The Battle Against a Dictator

Sa totoo lang, wala talaga akong alam sa naganap noong EDSA Revolution. Pero sa napanuod ko kahapon na pinamagatang 'A Dangerous Life', nakita ko kung anong pinuno meron ang bansa ko noon.

Sariling interes, pagnanakaw sa kaban ng bayan, pagpapaginhawa ng kanyang sarili at ng kanyang pamilya, -- 'yan lang naman ang pinagtuunan niya ng pansin ng siya pa ang nanunungkulan sa ating bansa. Hindi na talaga siguro ako magtataka kung hindi matatakot ang kahit sino sa atin kung mabanggit ang mga salitang ''Martial Law''. Nawalan ang mga tao noon ng pagkakataon na ipahayag ang kani-kanilang mga sarili. Isang maling kilos mo lamang laban sa gobyerno, buhay mo na ang kapalit.

Buti na lamang ay may mga naglakas loob na lumaban sa kanya. Alam na naman siguro natin kung sinu-sino sila, hindi ba? Pero para sa akin.. naging tagapagsalita lang natin sila. Tayo pa rin mamamayan ang lumaban para sa ating kalayaan. Wala tayong naging ibang sandata kung hindi ang ating mga panalangin.

Sa paggunita ng ika-24 na taon ng EDSA Revolution, sana'y matuto tayong pumili ng tamang kandidato para naman hindi na maulit ang kalunos-lunos na pangyayaring ito. :)