Sa isang palaro..

Sabi nila, sa isang laro mayroong nananalo at natatalo. Kailan tanggapin mo kung ano ang magiging resulta. Manalo ka man o matalo. Pero bakit ang iba hindi matanggap? Ang masaklap, magagalit pa sa iyo. Hindi naman siguro nila ikamamatay kung matatalo sila di ba?

Hay naku. Matamaan na kung sino ang matatamaan. Wala akong pakialam. Sinasabi ko lang ang totoo. At hindi ka naman siguro masasapol kung 'yun ka hindi ba?

Pero sa mga sitwasyon na pinagkakaisahan ka na, 'wag kang susuko. Mas lalo mong patatagin ang sarili mo at mga kakampi mo. 'Wag magpapatalo. At maniwala ka na ang mga inaapi, nagwawagi!

Kung naranasan mo na ito. Pareho tayo. Hindi ako isang manlalaro. Pero nadarama ko iyon. 'Yung tipong pagsabihan ka ng kung ano? Pero 'wag mo na lang pansinin o patulan pa iyon. Gawin mo kung ano ang dapat gawin. Patunayan mo na hindi ka nila basta-basta mapapatumba. Sa bandang huli, mapapahiya rin 'yang mga 'yan!

Kahit anong mangyari, lumaban ka ng patas. Gawin mo lahat para hindi ka magsisi sa huli. At 'wag kakalimutan na ialay ang bawat laro sa Panginoon. At syempre, sa bawat tagumpay, 'wag kakalimutang magpasalamat! :D