Sky Flakes..

BREAK!

'Yan ang pinakatumatak sa isip ko noong una kong napanood ang commercial ng Skyflakes. Madami kasing ibig sabihin para sa akin.

Una, dahil sa sinabi ni Robin (hindi 'yung koala bear ah? LOL). Na dahil sa biscuit na ito, sumikat siya ng bonggang-bongga! At kapag kumain ka nito, tiyak ang tagumpay mo! Astig!

Pangalawa. Sa mga nais sumexy, mag-break ka lang ng Skyflakes in to three equal parts sabay subo. Busog! Mapa-almusal, tanghalian o hapunan.

Pero ang dating sa akin. As usual, tungkol na naman sa pag-ibig. Ito kasing mga kaibigan ko, ang babata pa. TSK.

'Yung isa, nakipag-break dahil sa hindi pagsang-ayon ng mga magulang. Kahit mahal nila ang isa't isa, kailangan nilang magparaya. Pero katulad nga ng pinaniniwalaan ko, ANG TUNAY NA PAG-IBIG AY NAKAPAGHIHINTAY KAHIT GAANO MAN KATAGAL. Oha? 'Yung isa naman, brineyk dahil ayaw na siyang saktan. Ano 'yun, sinaktan mo lang at hindi mo minahal? Sus!

Skyflakes, skyflakes, skyflakes.. kahit ilang piso pa ang itaas mo. Babalik-balikan pa rin kita. :)

BLAH...

Ayan. Wala na naman akong magawa.

Kapag nandoon ako sa sala namin, hindi ako matahimik. Ang ingay ng kasama ko. Salita ng salita kahit hindi ko na pinapansin. Kapag naman nasa kwarto ako, sobrang tahimik. Nakakapanis ng laway. Nakakatigas ng tutuli.

HINDI KO NA ALAM KUNG SAAN LULUGAR!

Kung bakit ba naman kasi ngayon pa ako nagkasakit. Ang dami kong nakaligtaan na kaganapan. Ang masaklap, may simulation exam pa kami ngayon.

Nakakalungkot dito sa bahay. Wala akong makausap na matino. 'Yung iba dito hindi mo malaman kung ano problema. 'Yung isa tinatamad ka lang sagutin sisigawan ka na. 'Yung isa hinahayaan mo na nga gawin gusto niya, hindi pa makuntento.

Ang hirap talagang magkasundo ng mga taong hindi magkakapareho ang "trip" sa buhay..

INANG REYNA

Sa daan na madilim at lubak-lubak

Para akong musmos na walang kamuwangmuwang

Sa kalangitan isang tala ang nakita

O, Ina! Ikaw pala iyan!

Tinuro sa akin ang tamang landas

Kahit ako'y dumadapa na

Paano na lamang kaya kung wala ka?

Palagay ko'y wala na akong haharaping bukas

Isang araw sa aking buhay ay may nagsabing

Ikaw ay parang walang silbi

Ngunit nakita kong katawan mo'y parang hati,

Sila ay nagkakamali!

Mga mata mo'y laging mulat

Para lamang ako'y lagi mong masilayan

Hindi nagsasawang ako ay pagmasdan

Kung nahimbing na ba sa higaan

Mga kamay mo ay mapagkalinga

Ngunit minsa'y masakit din kung dumikit sa balat

Aking kalupitan sa iyong ibang kayamanan

Ay agad mo rin winawakasan

Ang mga tenga mo'y laging nakikinig

Sa mga istorya ko na sirang plaka ang dating

Kahit na parang nakaririndi

Sa pandining mo'y bagong saliw ng tugtugin

Pati paa mo'y walang pahinga

Saan man ako pumaroon, ako'y hindi mag-iisa

Sulo ng apoy, iyong dala-dala

Upang tanglawan ang aking landas

Sa paglubog ng araw at pagdating ng wakas

Hindi ko maikakaila na pag-ibig mo ay wagas

Ang korona at respeto ay hindi pa sapat

Upang ipadama na sa'yo ay madaming nagmamahal! :)