Para Sa..

BABAENG SINGKIT

Isang estrangherong aking nakilala

Sa isang pahina na aking nakita

Babaeng nakadilaw at tipong nangangampanya

Kampon ni Noynoy, isang Kabataang Pinay

Pinadalhan ng liham na ang nilalama'y

'Pwede ka bang maging kaibigan?'

Pinaanyayahan ang aking sulat

At doon na nga nagsimula ang lahat

Oo't ikaw ay bagong kakilala

Ngunit parang kay lalim na ng pinagsamahan

Kapag kausap ka'y anong ligaya ang nadarama

Para na akong lumulutang sa alapaap

Hayaan mong aking masabi

Na ikaw ay nagsilbing inspirasyon sa akin

Nawalan ng takot na ipahayag ang sarili

Maging tama man o mali

Marami na ngang pagkakataon

Upang tayo'y magkatagpo

O, Panginoon!

Bakit hindi magkaganoon?

Kaya't ako'y laging napapaisip

Mananatili ka na lamang ba sa aking panaginip?

Ngunit lagi ko na lamang idinadasal sa gabi

Na dalhin ka ng ihip ng hangin patungo sa akin

Sa iyong espesyal na araw, at sa mga dadating pa

Lagi mong tatandaan na mayroon kang kaibigan

Na kahit hindi pa nakikita ng iyong singkit na mga mata

Ay maari mo namang tawagan, at pasasayahin ka kahit saglit lamang.

Summer Vacation

Tagal ko na rin hindi nakapag-blog..

Sa mga nagdaang araw, wala na akong ibang ginawa kundi gumising, kumain, tumunganga, maglinis. Wala na bang iba? :|

Sayang nga lang at hindi natuloy 'yung pagpunta namin sa Ecopark. :(

Nakakalungkot naman. Sabik na sabik pa naman akong makasama ulit ang mga kaibigan ko. Tagal ko na din silang hindi nakikita. Mga isang buwan na ata. ? Hehehehe :)))

Siguro ayos na rin 'yun. Kasi naman. Hindi pa pinayagan 'yung iba sa amin. Tsk. :\

Sa isang linggo, review na! YES! Makakapag-lakwatsa na ulit ako! :P

Sabik na rin akong mag-aral ulit. Ahahaha :)) Parang hindi kapani-paniwala 'noh?

Ako rin hindi ko malaman kung ano ba talagang gusto ko. 'Pag may pasok atat na atat akong mag-sabado't linggo. Pero ngayon gusto ko nang magpasukan.

Nakakabagot din pala kapag nandito ka lang buong maghapon sa bahay. Napapanis 'yung laway ko kasi wala akong kadaldalan. 'Yung mga palabas naman sa telebisyon mga hindi gaanong kagandahan. Thanks to Showtime! :)))

Tatapusin ko na lang ito sa isang pangungusap..

Kahit na bagot na bagot na ako, tinatamad magki-kilos, at napapanis na ang laway, nagpapasalamat pa rin ako sa Panginoon at ginigising niya pa rin ako. :D